តំណាងរាស្ត្របក្សប្រឆាំងចុះទៅជួបពលរដ្ឋរងគ្រោះជាមួយក្រុមហ៊ុន ចិន
បេក្ខជនជាប់ឆ្នោតតំណាងរាស្ត្រគណបក្សសង្គ្រោះជាតិ នឹងចុះសួរសុខទុក្ខប្រជាពលរដ្ឋរងគ្រោះក្នុងទំនាស់ដីធ្លីដ៏រ៉ាំរ៉ៃជាមួយក្រុមហ៊ុន ចិន Union Development Group ដែលអភិវឌ្ឍពាណិជ្ជកម្ម និងរមណីយដ្ឋានទេសចរណ៍ នៅថ្ងៃចន្ទនេះ បន្ទាប់ពីក្រុមហ៊ុនបានដុតបំផ្លាញផ្ទះប្រជាពលរដ្ឋអស់ចំនួន ៤៥ខ្នង កាលពីដើមខែ មករា កន្លងមក។ លោក សុន ឆ័យ បេក្ខជនជាប់ឆ្នោតតំណាងរាស្ត្រគណបក្សសង្គ្រោះជាតិ ថ្លែងឲ្យដឹងថា ការចុះសួរសុខទុក្ខនេះបន្ទាប់ពីមានព័ត៌មានថា ផ្ទះប្រជាពលរដ្ឋប្រមាណ ៤៥ខ្នង ត្រូវបានរុះរើ និងដុតបំផ្លាញដោយក្រុមហ៊ុន ចិន Union Development Group។ … កាលពីថ្ងៃ ទី៩ ខែ ឧសភា ឆ្នាំ ២០០៨ រាជរដ្ឋាភិបាល កម្ពុជា បានចុះហត្ថលេខាលើកិច្ចសន្យាជួលសម្រាប់រយៈពេល ៩៩ឆ្នាំ ជាមួយក្រុមហ៊ុន Union Development Group សម្រាប់ការសាងសង់តំបន់អភិវឌ្ឍន៍ពាណិជ្ជកម្មនិងរមណីយដ្ឋានទេសចរណ៍ដើម្បីទាក់ទាញភ្ញៀវទេសចរនិងការវិនិយោគបន្ថែមទៀតលើផ្ទៃដីទំហំ ៣៦០០០ ហិកតា នៅក្នុងស្រុក គិរីសាគរ និងស្រុក បទុមសាគរ ហើយនៅខែ សីហា ឆ្នាំ ២០១១ រាជរដ្ឋាភិបាលបានចេញអនុក្រឹត្យស្តីពីការកំណត់ផ្ទៃដីទំហំ ៩១០០ ហិកតាទៅជាតំបន់ប្រើប្រាស់ដោយចីរភាពដើម្បីផ្តល់ដីសម្បទានជាលើក ទី២ ឲ្យទៅក្រុមហ៊ុននេះ ធ្វើអាងស្តុកទឹកនិងវារីអគ្គិសនី។ នៅក្នុងគម្រោងនោះបានធ្វើឲ្យប៉ះពាល់ប្រជាពលរដ្ឋចំនួន ១១៤៣ គ្រួសារ។ …
ម៉ៃ ទិត្យថារ៉ា
http://www.postkhmer.com/national/1-national-news/111026-2014-02-24-04-25-22
